வணக்கம் எனது படைப்புக்கள் உங்களை வரவேற்கிறது . வாசித்து உங்கள் எண்ணங்களை இதில் பதிவிடுங்கள்

புதன், 22 ஜூன், 2011

வெளியில வெயில்!

video

                            

வெளியில வெயிலு வேகுது உடலு

வெய்யோன் சோதி விண்ணில் ஜொலிக்குது
சோருது உணர்வு நாடுது நிழலு
தாயக நினைவு மீட்டுது மனது
வானக மைந்தன் குடைநிழல் தேடுறான்
கானக மரங்கள் பூணுது உடைகள்
மாடத்துப் பூங்கா பூக்குது நிறைத்து
மாமரத்துப் பூக்களில் மகரந்தம் பறக்குது
சிவக்குது கண்கள் விழிகள் வீங்குது
அச்சும் அச்சும் தும்மல் வெடிக்குது
அங்கில்லா மலரா இங்கென மனது அங்கலாய்க்குது
இனச்சேர்க்கை புரிய துணைப்போகும் தேனீக்கள்
மலர் விட்டு மலர் தாவுது
ஓடித் தழுவும் ஆதவனை
உதறித் தள்ளுது மனதுசெதுக்கிய சிற்பப் பாவை
புளுக்கம் தவிர்த்த உடலை
கறுப்புக் கண்ணாடி மனிதன்
கள்ளமாய் உறுத்துப் பார்க்கிறான்
வாட்டிய இறைச்சியை மக்களெல்லாம்
வாடியில் வைத்து உண்ணுகிறார்
அண்டங்கள் அனைத்தும் ஆதவன் ஆட்சியெனும்
வாழ்வியல் வாக்கை வாழ்வினில் ஏற்று
வெயிலின் தலைவன் வேதனை செயினும்
வேண்டுதல் செய்தே போற்றிடுவோம்
வருணன் நட்பை வெய்யோன் பெறவே
வந்தனை செய்தே போற்றிடுவோம்! 

15.06.2011 முத்துக்கமலம் இணையத்தில் வெளியானது.

9 கருத்துகள்:

இக்பால் செல்வன் சொன்னது…

அங்கே வெயில் கொடுமையாக, இருக்கு.. இங்கே வெயில் இல்லாம கொடுமையா இருக்கு. என்ன உலகமடா இது


**************************

ஒரு டாலர் திருடினால் தப்பா ?

Ramani சொன்னது…

ஞாயிறு போற்றுதும் ஞாயிறு போற்றுதும்
என்ற பாடலை நினைவுறுத்திப்போகிறது
தங்கள் கவிதை
காட்சிகளை விளக்கிப்போகும் விதம் அருமை
நாங்கள் அப்படியே உணர முடிகிறது
மனப்புழுக்கத்தையும் வெய்யில் புழுக்கத்தையும்
இணைத்துள்ள பாங்கு பாராட்டுக்குரியது
நல்ல படைப்பு
தொடர வாழ்த்துக்கள்

சந்திரகௌரி சொன்னது…

நன்றி ரமணி அவர்களே! இங்கு வெயிலையும் தாங்கமுடியாது. பனியையும் தாங்கமுடியாது. ஆனால் இன்று அடியோஅடியென்று அடிக்கிறது மழை. இயற்கையை என்னென்பேன். இங்கு சொல்வார்கள் ''Weather, Women. Work ஐ இவைகளை நம்பமுடியாது என்று.

சந்திரகௌரி சொன்னது…

இக்பால் செல்வன் அவர்களே, இயற்கையை இலகுவாக எடை போட்டுவிட்டீர்களா?

கவி அழகன் சொன்னது…

அருமையான கவிதை

aruvi சொன்னது…

«Õ¨Á

aruvi சொன்னது…

«Õ¨Á

பிரணவன் சொன்னது…

நிகழ்வுகளை படம்பிடித்திருக்கின்றது. . .அருமை

vidivelli சொன்னது…

அருமையான கவிதை
வாழ்த்துக்கள்......

எனது பக்கம் லெப்.கேணல் புரட்சிநிலாவைப்பற்றி தொடர் ஓடுகிறது..
ஓடிவாங்கோ

உயிரைத் துச்சமாக நினைக்கும் இளம் தலைமுறையினர்

                    தமிழ் தாய்மார் தம் கணவனுக்குக் கொடுக்கும் முக்கியத்துவத்தை விடத் தம் மகன்மாருக்குக் கொடுக்கும் முக்க...