வணக்கம் எனது படைப்புக்கள் உங்களை வரவேற்கிறது . வாசித்து உங்கள் எண்ணங்களை இதில் பதிவிடுங்கள்

வெள்ளி, 10 பிப்ரவரி, 2012

மூன்றெழுத்து


                       
         

உருவாக உடலில் இடம் தந்த
  அன்னைக்கு மூன்றெழுத்து
உதிரத்தைப் பாலாகப் பருகிடும் 
  பிள்ளைக்கு மூன்றெழுத்து
குரலெடுத்து மொழிவடிக்கும் முதல்வார்த்தை
  அம்மா எனும்சொல் மூன்றெழுத்து
அரவணைத்து வளர்த் தெடுக்கும் 
  அப்பாக்கும் மூன்றெழுத்து
இணைந்தே நடத்தும் இல்லறத்தின் 
  அன்புக்கும் மூன்றெழுத்து 
இனிதாக வளர்ந்துவர அறிவூட்டும்
  கல்விக்கும் மூன்றெழுத்து
தென்றலாய் ஓவியமாய்க் கனிந்த – அந்தக்
  கன்னிக்ககு மூன்றெழுத்து – அவள் 
கருத்தினிலே இடம் பிடிக்கும்
  காதலுக்கு மூன்றெழுத்து
கணவனுடன் கச்சிதமாய் வாழ்ந்துவரும் 
  கற்புக்கு மூன்றெழுத்து – அவள்
கூந்தலிலே காட்சி தரும்
  மலருக்கு மூன்றெழுத்து – அது
நாசி நுழை இன்பம் தரும்
  மணத்திற்கு மூன்றெழுத்து
மணம் தரும் மலரணிந்து செல்லும்
  கோயிலுக்கு மூன்றெழுத்து – அங்கு
மன்றாடி மனமுருகி வேண்டிநிற்கும்
  அருளுக்கு மூன்றெழுத்து
அருளோடு சிறப்பாய் வாழத் துணையாகும்
  தொழிலுக்கு மூன்றெழுத்து
தொழிலால் வாழ்வால் சிறப்பால் கிடைக்கும்
  புகழுக்கு மூன்றெழுத்து
புகழுடம்பு மண்ணில் மாள இறையடிநாடும்
  உயிருக்கு மூன்றெழுத்து
உயிரற்று தீக்கு இரையாகும்  இந்தக்
  கட்டைக்கு மூன்றெழுத்து
கட்டையைச் சுமந்து செல்லும் 
  பெட்டிக்கு மூன்றெழுத்து
அது உருவாக உயிர் தந்த
  மரத்துக்கு மூன்றெழுத்து
மரப்பெட்டியில் அடக்கமாகிய உயிரடையும்
  நிலத்துக்கு மூன்றெழுத்து
பிறப்புத் தொடங்கி இறப்பு வரை – மனிதனுடன்
  தொடர்ந்து வரும் மூன்றெழுத்து

                     
                        






10 கருத்துகள்:

வை.கோபாலகிருஷ்ணன் சொன்னது…

அன்னை, பிள்ளை, அம்மா, அப்பா, அன்பு, கன்னி, கல்வி, காதல், கற்பு, மலர், மணம், கோயில், அருள், தொழில், புகழ், உயிர், கட்டை, பெட்டி, மரம், நிலம் என

மூன்றெழுத்தில் என் ’மூச்சு’ இருக்கு, அது முடிந்த பின்னாலும் ’பேச்சு’ இருக்கு ’கடமை’ என் கடமை என்ற ’MGR’ பாடிய பாடல் போல ’அருமை’ யானதோர் ’கவிதை’ தந்துள்ளீர்கள். பாராட்டுக்கள். வாழ்த்துகள்.

ஸ்ரவாணி சொன்னது…

வாழ்வோடு இணைத்துக் கோர்த்து மூன்று எழுத்தை
அழகாகக் 'கவிதை' தொடுத்து இருக்கிறீர்கள்.
அருமை.

மகேந்திரன் சொன்னது…

மூன்றெழுத்தின் நிலைத்தன்மைகளை
அழகாய் பகிந்திட்ட உங்கள்
அறிவுக்கு மூன்றெழுத்து....

அம்பலத்தார் சொன்னது…

உயிரின் இருப்பின் ஆதாரமான மூச்சிற்கும் மூன்றழுத்து.
உயிர் மூச்சிலும் மேலான தமிழிற்கும் மூன்றெழுத்து.
இந்த நல்ல பதிவுக்கும் மூன்றெழுத்து.
பதிவை தந்ததற்கு உங்களுக்கு சொல்லும் நன்றிக்கும் மூன்றெழுத்து.

Rathnavel Natarajan சொன்னது…

அருமை.
நன்றி.
வாழ்த்துகள்.

திண்டுக்கல் தனபாலன் சொன்னது…

அழகான கவிதை சகோதரி ! பாராட்டுக்கள் ! நன்றி !

Ramani சொன்னது…

இத்தனை இனிமைகளையும் மிக அழகாய்
இணைக்கும் கவிதைக்கும்
அந்தக் கவிதை தரும் சுகத்திற்கும்
மூன்றெழுத்து எனவும் சொல்லி இருக்கலாமோ ?
மனம் கவர்ந்த பதிவு
தொடர வாழ்த்துக்கள்

பழனி.கந்தசாமி சொன்னது…

ரசித்தேன்.

இராஜராஜேஸ்வரி சொன்னது…

அழகு கவிதைக்கு பாராட்டுக்கள்..

சிவஹரி சொன்னது…

மூன்றெழுத்து குறித்த முத்தாய்ப்பான கவிதைவர்கள் அட்டகாசம்.

நன்றி > இதுவும் மூன்றெழுத்து

வெற்றி நிலா முற்றம்

“சில செயல்கள் வேடிக்கையாக இருக்கலாம். ஆனால், அச் செயல்கள்தான் உலகில் பாதி மனிதர்களது இதயம் வெடிக்காமல் இருக்க  உதவும் வடிகாலாக இருக்...