வணக்கம் எனது படைப்புக்கள் உங்களை வரவேற்கிறது . வாசித்து உங்கள் எண்ணங்களை இதில் பதிவிடுங்கள்

சனி, 11 மே, 2013

வலி தாங்கி வாழ்வளித்த வாழ்விளக்கு

கவிதையை என் குரலில் கேட்க பச்சை பட்டனை அழுத்தவும்



கரு தாங்க நிறை வலி உடலெங்கும் பாய
உடலுள்ளுள்ளே புரியாத உயிரொன்று புரண்டிடவே
ஒவ்வாத குணம் கொண்ட குடலது வயிற்றை குமட்டி வர
வாந்திவாந்தி என்று குடலே வெளிவருமாப் போல்
குணமொன்று தொண்டையிலே தொடர்ந்து வர
கருவென்ற காரணம் கருத்தே புரிந்து கொண்டு
உணவெதுவும் உடலுக்கு உதவாது வெளிவரினும்
உணர்வெல்லாம் கருவிலே பதிந்திருக்க
சிறிதளவு தானேதும் கருவுக்குச் சேர்ந்திடவே
வலியோடுணவு உண்ட மகத்தான மாதாவே! – நான்
உறங்க உன் மடி என்றும் தேவை.

கடினமான கல்போல் கருவொன்று உந்தியிலே உதைத்திருக்க
கட்டிலிலே புரண்டு திரும்பி சரிந்து படுக்கவொண்ணா
நிலையது தோன்றிடினும் வயிறது தடவி
நிலையது புரிந்து நீண்ட மூச்சை உள்இழுத்து வெளியிட்டு
நயனமது இறுகமூடி நவரத்தினம் அத்தனையும் ஒன்றாய்க்
கூட்டிய அழகுமகவு காண பொறுத்திருக்கும்
பொறுமையின் பெட்டகமே பேருண்மைப் பாசமே!
என் தலைதடவ உன் கரமென்றும் தேவை.

இருபது எலும்புகள் இணைந்தே உடைவதுபோல்
உடலிலே வலி எடுக்க மனிதன் தாங்கும் வலி
உலகக் கணக்கு நாற்பத்தைந்தே அலகுகளாயிடினும்
உடல் துடிதுடிக்க ஐம்பத்திரண்டு அலகுகள் பிரசவவலி
அதிசயமாய் தாங்கியே தான் கருவறை தாங்கிய உயிர்
உலகிலே நடமாட உருத்தந்த உன்னத உயிரே!
உயிருள்ளவரை உன் அருகிருக்க அருளொன்று தேவை.

பிரண்டு தவண்டு நடந்து நிமிர்ந்து நலமெல்லாம் நாம்காண
வலியெல்லாம் தான்கண்டு சுகமெல்லாம் எமக்களித்து
பேதை, பெதும்பை, மங்கை, மடந்தை, அரிவை, தெரிவையென
பருவங்கள் அத்தனையும் பாடாய்ப்படுத்தி
பருவங்கள் தோறும் பற்பல பிரச்சனைகள் பலவிதமாய்
வகைவகையாய்த் தந்தே பாடாய்ப்படுத்திய எம்மை
ஆதரவாய் அணைத்தெடுத்து ஆறுதலாய் அறிவுரைகள்
ஆற்றியே வழிப்படுத்திய அன்புரிவே!
ஆயுள்வரை உன் அரவணைப்பு எமக்கென்றும் தேவை.

அனைவருக்கும் அன்னையர் தின வாழ்த்துகள்







9 கருத்துகள்:

திண்டுக்கல் தனபாலன் சொன்னது…

சிறப்பான கவிதை...

அன்னையர் தின நல்வாழ்த்துக்கள்...

மகேந்திரன் சொன்னது…

அன்று நெஞ்சில் நமைச்சுமந்த
தந்தையைப் பற்றிய பதிவு..
இன்று கருவில் சுமந்து
பெரும்வலி கண்டு நமை ஈன்று
வளர்ந்த நாட்களெல்லாம்
கண்ணுக்குள் மணியாக
பொத்திவைத்து காத்து
வீழ்ந்த போதெல்லாம்
உயிர்நாடிவரை துடித்து
சோர்ந்துபோன பொழுதெல்லாம்
சோர்வினை புறம்வைத்து
விழி அயராது
எமை ஆளாக்கிய அன்னையின்
ஆளுமை சொல்லும்
அழகிய கவிதை சகோதரி...

இராஜராஜேஸ்வரி சொன்னது…

ஆயுள்வரைஅன்னையர் அரவணைப்பு என்றும் தேவை.

அனைவருக்கும் அன்னையர் தின வாழ்த்துகள்

கவியாழி கண்ணதாசன் சொன்னது…

சரியாக சொன்னீங்க சகோதரி .அன்னையர் தின வாழ்த்துக்கள்

வை.கோபாலகிருஷ்ணன் சொன்னது…

//ஆயுள்வரை உன் அரவணைப்பு எமக்கென்றும் தேவை.

அனைவருக்கும் அன்னையர் தின வாழ்த்துகள் //

அருமையான ஆக்கம். பாராட்டுக்கள். அன்னையர் தின இனிய நல்வாழ்த்துகள்.

கவியாழி கண்ணதாசன் சொன்னது…

வலிதாங்கி வாழ்வு தந்த அன்னைக்கு அருமையான வாழ்த்துக்கள் சொல்லியுலீர்கள்.உங்களுக்கும் அன்னையர் தின வாழ்த்துக்கள்

kovaikkavi சொன்னது…

இனிய அன்னையர் தின வாழ்த்து.
Vetha.Elangathilakam.

கரந்தை ஜெயக்குமார் சொன்னது…

அன்னையர் தின வாழ்த்துக்கள் சகோ

Ramani S சொன்னது…

சிறப்புக் கவிதை வெகு சிறப்பு வாழ்த்துக்கள்

வெற்றி நிலா முற்றம்

“சில செயல்கள் வேடிக்கையாக இருக்கலாம். ஆனால், அச் செயல்கள்தான் உலகில் பாதி மனிதர்களது இதயம் வெடிக்காமல் இருக்க  உதவும் வடிகாலாக இருக்...