வணக்கம் எனது படைப்புக்கள் உங்களை வரவேற்கிறது . வாசித்து உங்கள் எண்ணங்களை இதில் பதிவிடுங்கள்

வியாழன், 9 மே, 2013

தந்தையர் தினம்

அனைவருக்கும் தந்தையர் தின வாழ்த்துகள்
 

தந்தையே எனதருமை தந்தையே
தந்தையே எனதருமை தந்தையே

தோளில் என்னை சுமந்திடவே
கால்கள் மார்பில் உதைத்தனவே
கால்களுக்கு வலுத் தந்து – நான்
வாழ்வதற்கு வழி காட்டிய
தந்தையே எனதருமைத் தந்தையே

விழுந்தவுடன் தூக்கிடாது
எழுந்திருக்க எத்தனிக்கும்
எண்ணத்தினை வளர்த்துவிட்டு – என்
முயற்சிக்கு வழி காட்டிய
தந்தையே எனதருமை தந்தையே

சோர்ந்திடாத குணத்தினாலே
குலங்களையே வாழவைத்தீர் – எதையும்
தாங்குகின்ற மனத்தினராய்
தாழ்வுகளை எதிர்த்து நின்றீர்
தந்தையே எனதருமைத் தந்தையே

ஊருக்காக உழைத்த நெஞ்சம்
யாருக்காக சென்றதுவோ
மறைந்து சென்ற மாயத்தினால் - எங்கள்
மனங்களெல்லாம் தவிக்க வைத்த
தந்தையே எனதருமை தநதையே

சொன்ன சொற்கள் மனமெங்கும்
சோர்வில்லாது நிறைந்திருக்க
சோர்ந்த உங்கள் கண்களையே - இன்றும்
சோர்விலாது தேடுகிறேன்
தந்தையே எனதருமைத் தந்தையே

சொந்தங்கள் சேர்ந்திடலாம்
சொர்க்கத்தையே காட்டிடலாம்
எந்த சொந்தம் அருகிருந்தும் – எந்தன்
தந்தை சொந்தம் போலாமோ
தந்தையே எனதருமைத் தந்தையே





7 கருத்துகள்:

இராஜராஜேஸ்வரி சொன்னது…

தந்தையர் தின வாழ்த்துகள்

திண்டுக்கல் தனபாலன் சொன்னது…

சிறப்பு கவிதை அருமை...

தந்தையர் தின வாழ்த்துகள்...

மகேந்திரன் சொன்னது…

சற்று நேரம் விழிகள் பனித்துப் போனேன் சகோதரி...
படிக்கின்ற நாழிகைகளில் என் தந்தை
விழிகளிலே வந்துவந்து சென்றார்...
===
அந்த ஒரு வித்துதான் இன்று பல விருட்சங்களை
உருவாக்கிச் சென்றுள்ளது..
==
அவருக்கு, அந்த சொந்தத்திற்கு ஈடு இணை உண்டா...?
உங்கள் வார்த்தைகள் அப்படியே தந்தையரின்
குணங்களை வெளிக்காட்டியுள்ளது...
==
இருகைகள் கொண்டு வாரி அணைக்காது
ஒன்றைச் சுண்டு விரலை மட்டும் எனக்காக கொடுத்து..
எழுந்து வா...
உன்னுள் நம்பிக்கையை வளர்த்துக்கொள் என்ற
எமக்கான நம்பிக்கையை எம்முள் ஆணிவேராய்
பாய்த்தவர் அல்லவா...
==
மனம் நிறைக்கும் கவிதை சகோதரி...

சந்திரகௌரி சொன்னது…

மிக்க நன்றி

சந்திரகௌரி சொன்னது…

மிக்க நன்றி

சந்திரகௌரி சொன்னது…

உறவுகளில் மகத்தான உறவு பெற்றோர் என்னும் உறவு . அது நிலைக்காது மறைந்து போகும்போது உறவையே வெறுக்கத் தோணுகின்றது .நன்றி சகோ .

கரந்தை ஜெயக்குமார் சொன்னது…

தந்தையர் தின வாழ்த்துக்கள்

எங்கிருந்தோ வந்தான்

                                    இவ்வருடம் 2017   ஆடி அமாவாசையில் ஒரு சிந்தனை  நிலைத்து நின்ற கண்கள் , நிதானம் இழந்த உணர்வுக...