வணக்கம் எனது படைப்புக்கள் உங்களை வரவேற்கிறது . வாசித்து உங்கள் எண்ணங்களை இதில் பதிவிடுங்கள்

திங்கள், 26 ஜூன், 2017

கல்யாண தேதி குறித்தாச்சி



கல்யாணத் தேதி குறித்தாச்சு, 
கச்சேரி மேளம் பிடித்தாச்சு 
பத்திரிகை அடிக்க விட்டாச்சு, 
ஊரெல்லாம் சேதி பறந்தாச்சு
கல்யாணக் கோலம் காணக் 
கிலுகிலுப்பு மனசுக்குள்ளே
                                                               (கல்யாணத்......)
மலையடிவாரக் காற்றுக்கெல்லாம் 
வரவேற்புக் கொடுக்க வேண்டும்
நான் மடிசாய்ந்த மரநிழலில் 
மணவறைதான் போட வேண்டும்
சோலைக்குயில்களெல்லாம் கூட்டி வந்து 
கச்சேரி வைக்க வேண்டும்
ஆற்றங்கரை நாணல்களை 
ஆடச் சொல்லிக் கேட்க வேண்டும் 
                                                                 ( கல்யாணத்.....)
எங்கள் உறவுக்குத் துணை வந்த
உல்லாச வான் நிலவு விளக்கெரிக்க
தாரகைகள் சரவிளக்காய் 
தனிப் பொலிவு காட்டி நிற்க
சக்கரையில் தேன் கலந்து
சொக்கும் உந்தன் சொல்லாலே
நித்தமும் நான் கலந்திருக்க            
                                                              (கல்யாணத்....)

கருத்துகள் இல்லை:

வெற்றி நிலா முற்றம்

“சில செயல்கள் வேடிக்கையாக இருக்கலாம். ஆனால், அச் செயல்கள்தான் உலகில் பாதி மனிதர்களது இதயம் வெடிக்காமல் இருக்க  உதவும் வடிகாலாக இருக்...